Биыл "Өскемен – Талдықорған" автожолы толық аяқталады – "ҚазАвтоЖол"

Биыл ұзындығы 768 шақырым болатын Талдықорған – Өскемен автожолының реконструкциясы аяқталады. Бұл туралы "Қазавтожол" ұлттық компаниясы хабарлады.

"2024 жылы жұмысты аяқтап, негізгі жол бойымен қауіпсіз қозғалысты қамтамасыз етеміз деп жоспарлап отырмыз", — деп жазылған компания ақпаратында.

Мекеме мәліметіне сүйенсек, жыл басынан бері 35 шақырымнан астам асфальтбетон жабыны төселген.

"2023 жылы Талдықорғаннан Абай облысының шекарасына дейін, сондай-ақ Қаракөл ауылынан Аягөзге және Өскеменге дейінгі жол ашылды. Сондай-ақ 127 шақырым жабынның төменгі қабаты салынды", — деп хабарлады"ҚазАвтоЖол" компаниясы.