ШҚО Ветеринария басқармасына жаңа басшы тағайындалды

Аймақ басшысы Ермек Көшербаевтың бұйрығымен ШҚО Ветеринария басқармасының басшысы қызметіне Сағындықов Рамиль Нығметжанұлы тағайындалды.

Рамиль Нығметжанұлы 1967 жылы Семей облысы, Көкпекті ауданы, Көкпекті ауылында туған. 1991 жылы Семей зоотехникалық-ветеринарлық институтын, 2014 жылы Қазақ инновациялық гуманитарлық-заң университетін аяқтаған.

Еңбек жолын Көкпекті ауданы Үлкенбөкен ауылындағы «Шегелек» кеңшарының №3 фермасының жұмысшысы болып бастаған.

1991-1994 жылдары «Шегелек» кеңшарының №3 фермасының мал дәрігері, кейін меңгерушісі.

1995-1998 жылдары «Шегелек» АҚ бас мал дәрігері.

1998-2000 жылдары директордың орынбасары, ал 2000-2010 жылдары «Шегелек LTD» ЖШС директоры.

2010-2011 жылдары Үлкенбөкен селолық округінің әкімі.

2011 жылдың тамызынан Көкпекті ауданы әкімі.

2015 – 2018 жылдары Көкпекті ауданының әкімі міндетін атқарған.