ШҚО-да «Аңсаған сәби-2024» бағдарламасы аясында тұңғыш нәресте дүниеге келді

Салмағы 3050 грамм және бойы 48 сантиметр болатын нәресте 20 қарашада дүниеге келді. Сәбидің ата-анасы үш жыл бойы бедеулікпен есепте тұрған, консервативті ем жүргізіп ешқандай нәтиже болмаған соң, олар көмекші репродуктивті технологияның көмегіне және экстракорпоральды ұрықтандыру әдісіне жүгініп балалы болды. 

– 2024 жылы Шығыс Қазақстан облысында Аңсаған сәби бағдарламасы бойынша экстракорпоральды ұрықтандыруға 252 квота бөлінді. Жаңа туған нәресте биыл осы бағдарламаның арқасында дүниеге келген алғашқы сәби, - дейді облыстың бас репродуктологы Надира Слямханова. 

Сондай-ақ, репродуктолог бағдарлама келесі жылы да жалғасатынын атап өтті. Бұл балалы болғысы келетін ерлі-зайыптылар үшін үлкен мүмкіндік.