Шемонаихада кәсіп бастаушыға грант, маманға үй беріліп жатыр

Шемонаиха ауданында кәсіп ашуға ниетті тұрғындарға 400 айлық есептік көрсеткіш мөлшерінде грант беріледі, деп хабарлайдф Bizdiң Өskemen.

– Өтінімдер қабылданып, қаралып жатыр. Қазірдің өзінде жем шығаратын кәсіпорын үшін несие пайызына субсидия берілетін жоба мақұлданды, – деді аудан әкімінің орынбасары Данияр Жүнісов.

Сондай-ақ ауданда жұмыс орындары да көбейді. Жыл басынан бері 136 тұрақты жұмыс орны ашылып, 182 адам бос орынға орналасқан. Ал 173 адам ақылы қоғамдық жұмыстарға жіберіліпті. 

Жұмыс күші көп аймақтардан 4 адам көшіп келген. Оған қоса бір дәрігер мен үш медбике ауданға келіп жұмыс тапқан. Соның ішінде бір маманға үй берілсен, екеуіне көтерме жәрдемақы ұсынылыпты.