Риддер қаласында қалың қар жауды

сурет: yk.kz

Риддер қаласының көшелері қар құрсауында қалды. Коммуналдық қызметкерлердің мәліметінше, бір тәулікке жетпей қалада 70 сантиметрге дейін қалың қар жауды. 

10 қарашадан бастап қоғамдық көліктер мен автокөліктердің жүріп тұруында қиындықтар туындады. Қала тұрғындары кейбір аудандарда жолдар тазартылмағандықтан, автобустардың жүрмейтінін айтып шағымданды. Тұрғындардың сөзінше, көктайғақтың кесірінен кейбір көшелерден жүру мүмкін емес. 

Коммуналдық техника жолдарды тазарту жұмыстарын жүргізіп жатыр, бірақ кейбір көшелер әлі дұрыс тазартылмағандықтан балалар мектепке тізесіне дейін жететін омбы қарды кешіп сабаққа баруға мәжбүр. 

Естеріңізге сала кетейік, кеше сағат 17:00-де боран, көктайғақ салдарынан Өскемен - Риддер – Ресей Федерациясының шекарасы учаскесінде тіркемелері, жартылай тіркемелері және жолаушылар автобустары бар жүк автокөліктері үшін шектеу енгізілді.