Өскеменде Тарбағатай ауданының мәдени күндері өтеді

«Туған жер – алтын бесігім» облыстық жобасы аясында Өскемен қаласында 8-9 қараша күндері Тарбағатай ауданының мәдени күндері өтеді. 

8 қараша күні:  

– Сағат 15.00-де Протазанов көшесі, 43 мекенжайында орналасқан "Шығыс Қазақстан облыстық филаомониясының" "Food cord" залында ардагерлер арасындағы "Қазақша Quiz" интеллектуалды ойыны өткізіледі.

– Кешкі сағат 17.00-де тарихи-мұра экспонаттары, ауданның қолөнер және бейнелеу өнерінің туындыларының көрмесін тамашалай алады. 

– Сағат 18.00-де "Шығыс Қазақстан облыстық филаомониясының" концерт залында Тарбағатай ауданының шығармашылық ұжымдарының салтанатты концерті.   

9 қараша күні: 

– Сағат 08.00-ден бастап Жібек жолы, 6 мекенжайында орналасқан "Шығыс Алтай" сауда орталығының алаңында ауылшаруашылық өнімдерінің жәрмеңкесі, мерекелік концерт ұйымдастырылады.  Сонымен қатар, "Тау көтерген Толағай", "Көлтауысар", "Құралайды көзге атқан" және т.б. спорттық ойындар өтеді. 

– Сағат 10.00-де Арбатта "Ақжар эстрадалық ансамблі" ВИА көше форматындағы концерті ұйымдастырылады.  

– Сонымен қатар сағат 10.00 бастап Тарбағатай ауданының суретшілері Төлеген Тоқтаров көшесі, 56 мекенжайында орналасқан Шығыс Қазақстан облыстық өнер мұражайында шеберлік сабақтарын өткізеді.