ШҚО әкімі хоккейшілерді жеңісімен құттықтады 

Шығыс Қазақстан облысының әкімі Нұрымбет Сақтағанов Қазақстан құрама командасының сапындағы «Өскемен» хоккей клубын Қазанда (РФ) өткен Хоккейдің Ислам мемлекеттерінде даму ұйымының (ОРХИС) «Татнефть» Кубогындағы III халықаралық турнирде «А» тобындағы бірінші орын алуына байланысты құттықтады.

Турнирге Қазақстан, Татарстан, Бахрейн, Иран, Қырғызстан, Ливан, Оман және Өзбекстан командалары — барлығы сегіз команда екі топқа бөлініп қатысты.
«Шығыс Қазақстан облысының атынан Қазақстан құрамасында ойнаған спортшылар турнирдің ең нәтижелі командасы атанып, «А» тобының чемпиондары болды.
Ал біздің хоккейшіміз Алексей Зубов турнирдің ең құндылығы жоғары ойыншысы (MVP) деген атаққа ие болды. Бұл турнирлерді елімізде өткізу – спортты және халықтар арасындағы достықты арттырудағы жаңа кезең. Сондықтан шығысқазақстандық спортшыларды лайықты марапатымен құттықтаймыз», — деді облыс әкімі.
Оның айтуынша, біздің спортшылар Шығыс Қазақстанның Қазақстандағы хоккейдің нағыз ұстаханасы екенін тағы да көрсетті.