Күршім ауылдарына кең жолақты интернет тартылып жатыр

Күршім ауданының Жолнұсқау және Егіндібұлақ ауылдарына кең жолақты интернет тартылып жатыр, деп хабарлайды Bizdiң Өskemen.

Өңірлік коммуникациялар алаңында баяндама жасаған Күршім ауданының әкімі Мейіржан Әлібеков аудан ахуалы туралы баяндады.

 – Күршім ауданы, Жолнұсқау ауылын кең жолақты мобильді интернетпен қамтамасыз ету үшін ИКИ бар антенна-діңгек құрылысын салу жоспарланған. Жобаның жалпы соммасы – 98 812,0  мың теңге. Құрылыс – монтаждау жұмыстары аяқталды. Қазіргі таңда электр желілерін және ұялы байланыс операторларының жабдықтарын қою жұмыстары жүргізілуде, – деді Күршім ауданының әкімі Мейіржан Әлібеков.

Сонымен қатар, Күршім ауданы, Амангелді учаскесін кең жолақты мобильді интернетпен қамтамасыз ету үшін жалпы соммасы 188 426,0 мың теңге бөлінген. Бүгінгі таңда құрылыс – монтаждау жұмыстары аяқталған. Электр желілерін және ұялы байланыс операторларының жабдықтарын қою жұмыстары жүргізілуде. Егіндібұлақ ауылын да кең жолақты мобильді интернетпен қамтамасыз ету жұмыстары жүргізіліп жатқандығы айтылды.