Өскеменде мектеп құрылысы мен жол жөндеу жұмыстары жалғасып жатыр

«Жол жылы» аясында Өскеменде жаңа жолдар салу, шұңқырларды жөндеу және ішкі кіреберіс жолдарды жасау бойынша ауқымды жоба жүзеге асырылып жатыр. Бұл туралы қалалық құрылыс бөлімі басшысының орынбасары  Әлішер Бекен мәлімдеді. 
Қазір Алматы тас жолына апаратын көтерме-бөлшек сауда орталығы арқылы өтетін жаңа айналма жолдың құрылыс жұмыстары  жалғасып жатыр. Қаланың ең маңызды бағыттарының бірі саналатын Алматы – Өскемен бағытындағы негізгі тас жолдың құрылысы да жалғасуда.  
Сонымен қатар, «Жайлы мектеп» жобасы аясында Тимофеев (300 орындық), Есенберлин (600 орындық) және Увалиев (600 орындық) көшелерінде 2024 жылы аяқталады деп жоспарланған  үш жаңа мектептің құрылысы қарқынды жүргізіліп жатыр.