«Ауыл аманаты» ШҚО кәсіпкерлерін қолдайды
Премьер-Министрдің кеңесшісі Ералы Тоғжанов Шығыс Қазақстан облысына сапары аясында «Ауыл аманаты» бағдарламасы бойынша несие алған кәсіпкерлермен танысу үшін Глубоковский және Ұлан аудандарында болды.
Сондай кәсіпкерлердің бірі – Глубокое ауданынан келген Талғат Сыдықов. Ол өткен жылы «Ауыл аманаты» бағдарламасы бойынша 8,5 миллион теңге жеңілдетілген несие алып, осы қаражатқа үш мың тауық сатып алған. Қазір оның мыңнан астам жұмыртқалайтын тауықтары мен үш жүзден астам бройлерлері бар, ол шаруашылығын кеңейтуді жоспарлап отыр.
Белоусовка ауылында орналасқан шаруа қожалығында болған Ералы Тоғжанов мұндай кәсіпкерлерге жан-жақты қолдау көрсетудің маңыздылығына тоқталды. Ол қазіргі таңда ауыл шаруашылығында жұмыс істейтін азаматтарға мемлекет тарапынан айтарлықтай жеңілдіктер жасалып жатқанын айтты.
«Қазіргі таңда азаматтарымыз тұтынатын азық-түліктің 65 негізгі түрі бар, олардың басым бөлігін шетелден сатып алуға мәжбүрміз. Шығыс Қазақстанда жеке кәсібін ашып, оны табысты дамытып жатқан кәсіпкерлер көп. Енді оларға қосымша бағыт-бағдар беріп, қолдау көрсету керек», - деді Премьер-Министрдің кеңесшісі
