Өскемендегі ықшамауданда көшелерге асфальт төсеу жұмыстары аяқталды
Өскеменде шағын ауданды дамыту бағдарламасын жүзеге асыру жалғасып жатыр. Шмелев кентіндегі жергілікті тұрғындардың келісімімен таңдалған төрт көшеге асфальт төсеу жұмыстары аяқталды. Бұл туралы облыс орталығының әкімі Жақсылық Омар әлеуметтік желіде мәлімдеді.
"Бағдарлама аясында Шмелев кенті үшін ең маңызды көшелер: Багратиона, Железнодорожный, Ползунов және Димитров көшелері асфальтталды", - деп жазды қала әкімі Instagram парақшасында.
Енді Шмелев Лог кентінің тұрғындары ықшамауданда өмір сүру сапасын едәуір жақсартатын жаңа, тегіс жолдарды пайдалана алады.
Айта кету керек, жөндеу жұмысы өз уақытында аяқталды, бұл жақсартудың басым бағыттарын таңдауға белсенді қатысқан тұрғындармен тығыз қарым-қатынастың арқасында іске асырылды.
Бағдарлама алдағы уақытта да жалғасын табады, қала инфрақұрылымын жақсартуға бағытталған жобалар әлі де көп.
