"Рахман қайнарына жүгіріп шығу керек". Катонқарағайда әуесқой желаяқтар жарысы өтеді

Катонқарағай ауданының Берел ауылында «Qaton-Qaragai Trail Running Races – 2024» жарысы өтеді. Жарысты ұйымдастырушылар - ШҚО Қатонқарағай әкімдігі мен «El Sport» республикалық қоғамдық бірлестігі.
Берел ауылының маңында өтетін жарыс дистанциясы - 3 км, 5 км, 26 км және 60 км. Жарысқа кіру жарнасы 4 мың теңгеден 18 мың теңгеге дейін. Ал палатка тігу ақысы 3 мың теңге, үй жалдау құны 5 мың теңгеден 10 мың теңгеге дейінгі аралықта.
Қатысушылар 3 км мен 5 км қашықтықты тегіс жолмен мұражайға дейін жүгірсе, 26 километрге жарысушылар Шұбарағаш ауылына дейін, ал 60 километрге қатысушылар Рахман қайнарына дейін жүгіріп барып қайтады деп жоспарлануда.