Паром қайта ашылады. “Одесса” 12 мамырдан бастап жүреді

Ертең, 12 мамырдан бастап Самар мен Үлкен  Нарын аудандарының жағалауларын жалғайтын Васильев паром өткелі іске қосылады, деп хабарлайды Bizdiң Өskemen тілшісі.

Бұл туралы паром иесі хабарлады. Паромның жүру кестесі әдеттегідей.

Самар жағынан: сағат таңертеңгі 8:00 ден бастап жұп сандар, түнгі 22:00 дейін.

Үлкен Нарын жағынан: таңғы 7:00 ден бастап тақ сандар, 21:00 ге дейін.

Пароммен өту бағасы бұрынғыдай: автомобильдің қозғалтқыш көлеміне қарай.

Естеріңізге сала кетейік, “Одесса” паромы 2019 жылдан бастап көлік жүктемесінің ұлғаюына байланысты Күршім өткеліне кеткен болатын. Араға алты жыл салып, “Одесса” өз айлағына қайта оралып жатыр.