Өскеменде бүгін ауа ластанады

Қазгидрометтің хабарлауынша, бүгін еліміздегі төрт қалада ауа ластанады.

«2025 жылдың 25 сәуірінде Өскемен, Атырау, Алматы, Астана қалаларында қолайсыз метеорологиялық жағдай күтіледі, — делінген хабарламада.

Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.