Өскеменде тағы ауа сапасы нашарлайды

Фото: prirodnadzor.admhmao.ru

Бүгін Өскеменде ауа ластануының қолайсыз метеорологиялық жағдайы күтіледі, деп хабарлайды Bizdiң Өskemen тілшісі.

«Қазгидромет» РМК болжамына сүйенсек, Шығыстың бас шаhарынан бөлек тағы 7 өңірде ауа ластанады. Атап айтқанда Ақтөбе, Павлодар, Қарағанды, Теміртау, Өскемен, Шымкент, Алматы және Астана қалаларында қолайсыз метеорологиялық жағдай қалыптасады. 

Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.