Өскеменде 80 шақырымдық марафон өтті

Жеңістің 80 жылдығына орай өскемендік әскери қызметшілер 80 шақырымдық марфонды бағындырды. Олар сексен шақырым қашықтықты сегіз сағаттан астам уақытта жүгіріп өтті , деп хабарлайды Bizdiң Өskemen. 

Марфонға өскемендік әскери қызметшілер 1-сыныпты сержант Қуат Қасымов, 3-сыныпты сержант Данияр Сапаралиев және сержант Санат Қазбеков қатысты. 

Өскемен гарнизоны 27943 әскери бөлімінің үш әскери қызметшісі жүгіруді  Сұлусары ауылының тұсынан бастап Жаңа Ахмер кентіндегі әскери бөлімде аяқтады. 

– Бұл марафонды ұйымдастырудағы басты мақсат – Ұлы Жеңістің 80 жылдығына орай ардагерлерімізге құрмет көрсету. Әр шақырым біз үшін жауынгерлердің ерлігі мен табандылығын еске түсірді. Батырлардың рухы бізге күш беріп отырды, – дейді Данияр Сапаралиев. 

Олар 80 шақырымдық қашықтықты 8 сағат 24 минутта бағындырған. Бұл марафон әскери қызметшілер үшін тек спорттық жетістік қана емес, Отан үшін жанын қиған батырларды еске алудың жарқын үлгісі болды. Марафоншыларды әріптестері құрметпен қарсы алды.