Маусым айындағы демалыс күндері белгілі болды

Қазақстандықтар маусым айында 11 күн демалады. Мұның ішінде бір күн — мереке. 

Қазақстандықтардың қалай демалатыны egov.kz сайтындағы 2024 жылға арналған мерекелер күнтізбесінде көрсетілген.

17 маусым — Құрбан айттың бірінші күні. Бұл күні демалыс беріледі. 

Осы айда демалыс берілетін мереке күндері сенбі мен жексенбіге сәйкес келмейді. Сәйкес келген жағдайда, Еңбек кодексінің 85 бабының 3 тармағына сәйкес, мереке күндері кезінде жұмыс уақытын тиімді пайдалану мақсатында үкімет демалыс күндерін басқа жұмыс күндеріне ауыстыруға құқылы.