Денсаулық сақтау министрлігі Марбург вирусының өршуіне байланысты бақылауды күшейтуде

Денсаулық сақтау министрлігі Дүниежүзілік денсаулық сақтау ұйымының жаңа қауіпті инфекция-Марбург вирусының өршуі туралы ескертуіне байланысты эпидемиологиялық жағдайды бақылауды күшейтуде. Бұл туралы Қазақстан Республикасының Бас мемлекеттік санитариялық дәрігері Сархат Бейсенова хабарлады. 

Марбург вирустық ауруы - адамдарға да, басқа приматтарға да әсер ететін сирек кездесетін, ауыр вирустық геморрагиялық қызба. Вирус табиғатта жарқанаттарда кездеседі және жарқанаттардан адамдарға берілуі мүмкін.

– Денсаулық сақтау министрлігі Марбург вирусының эпидемиологиялық жағдайының дамуын мұқият қадағалайды. Халықаралық әуежайларда аурудың республикаға әкелінуіне және таралуына жол бермеу мақсатында барлық келетін жолаушылардың байланыссыз термометриясы жүргізілетін мемлекеттік шекарада санитариялық-карантиндік бақылау жүзеге асырылады, - деді Сархат Бейсенова. 

Марбург - филовирустарға жататын қауіпті вирус. Табиғи тасымалдаушылар - жарқанаттар. Оларда вирус адамнан айырмашылығы симптомсыз өтеді.  

Вирус адамға тікелей байланыс арқылы беріледі. Зақымдалған тері немесе шырышты қабықтар арқылы жұқтыра аласыз. Сонымен қатар, вирусты заттардың бетіне тигенде және төсек-орын немесе науқастың киімі сияқты материалдарды ұстаған кезде жұқтыруға болады.

Аурудың негізгі белгілері: қызба, тамақ ауруы, бөртпе, іштің ауыруы, мұрын мен көздің қанауы. Аурудың клиникалық көріністері вирусты жұқтырғаннан кейін 2-21 күннен кейін пайда болады.

Марбург вирусына қарсы арнайы ем мен вакцина жоқ. Тек симптоматикалық емдеу ғана жүргізіледі. 

Халықтың жоғары көші-қонын ескере отырып, Денсаулық сақтау министрлігі қазақстандықтарға эндемиялық елдерге барған кезде мынадай профилактикалық шараларды сақтауды ұсынады:

1) Жұқтырған адамдармен байланыста болудан аулақ болу;
2) Африкада кездесетін жабайы жануарлардан сақ болу;
3) Жергілікті жануарлардың нашар қуырылған етін жемеу;
4) Мысырлық жарқанаттардың көп саны - вирустың асимптоматикалық тасымалдаушылары бар үңгірлер мен шахталарға бармау;
5) Аурудың белгілері пайда болған кезде дереу медициналық көмекке жүгіну;
6) Жеке гигиена ережелерін сақтау.