Мемлекеттік қызметтің 12 түрі толығымен электрондық форматқа көшіріледі

23 тамыз күні орталық коммуникациялар қызметінде өткен брифингте мемлекеттік қызмет істері агенттігі төрағасының орынбасары Салауат Мүксімов келесі жылдың соңына дейін мемлекеттік қызметтің 12 түрі толығымен электрондық форматқа көшірілетінін айтты. 

– 24 қызмет бойынша келісу процесі автоматтандырылады. Мұнымен Қорғаныс министрлігі, Ішкі істер министрлігі, Өнеркәсіп және құрылыс министрлігі, Ауыл шаруашылығы, мәдениет және ақпарат министрліктері айналысады.Анықтамалық сипаттағы 8 қызмет электрондық үкімет порталындағы жеке кабинетке ауыстырылады. Мемлекеттік органдар мәліметтерді ақпараттық жүйелерден алатындықтан, бұл азаматтарды анықтамалар беруден босатады, - дейді Салауат Мүксімов. 

Салауат Мүксімовтың айтуынша, мемлекеттік қызметтің 48 түрі бойынша ұсынылатын құжаттар тізімі оңтайландырылатын болады. 

–  Бұл шамамен 550 мың құжат. Атап айтқанда, медициналық анықтамалар, білім туралы дипломдар, еңбек кітапшалары мен келісімшарттар және т.б.Мемлекеттік органдар жоспарланған интеграциялық шаралардың арқасында ақпараттық жүйелерден қажетті ақпаратты алатын болады, - деді мемлекеттік қызмет істері агенттігі төрағасының орынбасары.