Уақытты қайтару туралы өтініш бойынша шешім жарияланды
Жұмыс тобының төрағасы, Сауда және интеграция вице-министрі Қайрат Балықбаев 2 тамызда Қазақстанда ескі уақытқа оралу туралы петицияны қоғамдық талқылау барысында алдын ала шешімді мәлімдеді.
Спикердің айтуынша, өтінішті қарау кезінде сағат белдеуінің өзгеруі электр энергиясын тұтыну мен халықтың денсаулығына әсер етті деген уәждер расталмады.
«Денсаулық сақтау министрлігі статистикалық мәліметтерге сүйенетінін айтып, статистика 12 облыс пен республикалық маңызы бар үш қалада сағат тілі ауысуы халықтың әл-ауқатына әсер еткенін растаған жоқ», - деді Қайрат Балықбаев.
Оның айтуынша, уақыт белдеуін ауыстыру кезінде халықаралық зерттеулерге талдау жасалған.
«Біз қараған барлық кезеңде арызданушылардың уәждері расталмады, сондықтан мен министрліктің бұл өтінішті қанағаттандырудан бас тарту туралы алдын ала шешімін айтып отырмын», - деп түйіндеді вице-министр.
Қазақстан тұрғындары 2024 жылдың 1 наурызынан бастап UTC+5 біртұтас уақыт белдеуінде ауыса бастады.
Сәуірдің 22-сі күні уақытты өзгертуді алып тастауды талап етіп петиция берілді.
7 маусымда ол қарау үшін қажетті 50 мың дауыс жиналды. Кейінірек, 21 маусымда уақыт белдеуіне қатысты петицияны қарау жөніндегі жұмыс тобының бірінші отырысы өтті.
