Өскемен қаласының тұрғыны әкімді сотқа берді. Не үшін?

Өскемен қаласының тұрғыны заңгер Нұрлан Әубәкіров, ШҚО әкімі Ермек Көшербаевті сотқа берді.

Облыс әкімі әдеттегі тұрғындарды қабылдау графигіне сәйкес жұмыс істемеген, яғни халықтың проблемасын тыңдағысы келмеген. Бұл туралы Ratel.kz сайты жазды.

Заңгер сотқа жүгінген кезде:  Ермек Көшербаев осы әрекеті арқылы ҚР Конституциясының негізі болатын декларативтік нормаларға өз көзқарасын көрсетті,  “Мемлекеттік қызмет туралы” Заң нормаларын бұзды, деп шағымданған.

Енді 13 қаңтарда осы мәселе бойынша облыстық әкімшілік сот отырысы өтеді.