Өскеменде Жаңа жыл мерекесіне орай қандай шаралар өтеді

Облыс орталығында 21-31 желтоқсан аралығында ауқымды мерекелік іс-шаралар өтеді, деп хабарлайды Bizdiң Өskemen тілшісі.

21 желтоқсан күні сағат 14:00-де республикалық фестиваль аясында Облыстық табиғи-ландшафтық және сәулет-этнографиялық мұражай-қорығының Сол жағалау паркінде «Аяз ата» резиденциясының ашылады. Фестивальге Қазақстанның түрлі өңірлерінен, аудан орталықтарынан және Шығыс Қазақстан облысы қалаларынан Аяз ата мен Ақшақар қатысады. 16:30-да Республика алаңында «Шырша шамдарын жағу - 2025» жаңа жылдық қойылымы өтеді. 

24 желтоқсан күні сағат 12:00-14:00 аралығында Жібек Жолы көшесі, 3 мекенжайы бойынша «JastarOskemen» коммуналдық орталығы ашылады. 

31 желтоқсан сағат 10:00-де Аблакетка стадионында жаңа жылдық шаңғы жарысы өткізіледі. Сағат 21:00-де «Ғалам сағаты» атты жаңа жылдық қойылымы өтеді. Сағат 01:00-де Республика алаңы, «Өскемен» аллеясы, Үлбі өзенінің жаңа жағалауы, Комендант өзеніндегі алаңда мерекелік отшашу өтеді.