«Қою тұман...» Глубокое ауданында да оқушылар онлайн оқиды

Глубокое ауданында қолайсыз метереологиялық жағдайға байланысты бірқатар білім мекемесі қашықтан оқытуға көшті, деп хабарлайды Bizdiң Өskemen тілшісі.

Бүгін Опытное поле ауылының орта мектебі, Степное ауылының негізгі мектебі,Ушаново ауылындағы Б.Момышұлы атындағы орта мектеп және Прапорщиково ауылындағы Д.Қонаев атындағы орта мектептің оқушылары онлайн форматты оқиды.

Еске салайық, бұған дейін Өскемен қаласындағы барлық орта мектепте екі аусым бойынша да сабақ онлайн болатыны хабарланған. Өйткені 23 қарашадан бері қаланы қою тұман басып тұр. «Қазгидромет» отралығының мамандары ауадағы зиянды қалдық рұқсат етілген шектік мөлшерден бірнеше есе асып кеткенін растады.

Қолайсыз метеорологиялық жағдай – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жел, тұман, инверсия) жиынтығы. ҚМЖ болған кезде елді мекендерде ауаның сапасы нашарлауы ықтимал.