Алтай ауданының мәдени күндері өтеді – ШҚО

Облыс орталығында Алтай ауданының мәдени күндері өтеді. Іс-шара аясында көрме, концерт, ауыл шаруашылығы өнімдерінің жәрмеңкесі, түрлі байқаулар және спорттық сайыстар ұйымдастырылады, деп хабарлайды Bizdiң Өskemen тілшісі.

6 желтоқсан күні сағат 17:00-де облыстық филармония ғимаратында (Протозанов көшесі, 43) суретшілер мен қолөнершілердің туындыларын паш ететін көрме ашылады. Сонымен қатар бұл жерде шеберлік сағаты және салт-дәстүрлер көрсетілімі болады.

18:00-де – концерт. Алтай ауданының өнерпаздары және шығармашылық ұжымдары облыс орталығындағы жұртшылыққа көтеріңкі көңіл күй сыйлауға әзір.

7 желтоқсан күні сағат 8:00-де «Шығыс Алтай» көтерме-тарату орталығында (Жібек жолы, 6) ауыл шаруашылығы өнімдерінің жәрмеңкесі ашылады. Дәл осы жерде әртүрлі байқау және спорттық жарыстар өтеді.