"Бір қабатты Шығыс": Зайсан ауданында 68 үй салынып жатыр

Зайсандықтар биыл “Бір қабатты Шығыстың” шарапатын көреді. Бүгінде онда 68 үйдіңқұрылысы қарқынды жүріп жатыр, деп хабарлайды Bizdiң Өslemen тілшісі.

Аудан әкімдігінің айтуынша, аталған баспаналар көпбалалы және халықтың әлеуметтік әлсіз топтарына табысталады. Бой көтеріп жатқан 68 бір қабатты үйдің 20-сы көпбалалы отбасыларға, 48-і – халықтың әлеуметтік әлсіз топтарына арналған. 

-       Қазір Айнабұлақ ауылында 12 тұрғын үй салынып жатыр. Оның 4-і (85 м²) көпбалалы отбасыларына, 8-і (70 м²) әлеуметтік әлсіз топтарға арналған. Айта кету керек, 2022 жылдан 2023 жылға дейін Зайсан ауданында көпбалалы отбасылар үшін 214 пәтер салынған (2020 жылы – 36, 2021 жылы – 62, 2022 жылы – 70, 2023 жылы – 46). Оның 130-ы – көпбалалы отбасыларға және 84-і – аз қамтылған отбасыларға берілген, - дейді аудан әкімдігі.

Естеріңізге сала кетейік, облыс әкімінің бірінші орынбасары Нұрымбет Сақтағанов Зайсан ауданына жұмыс сапары барысында әлеуметтік жобаның іске асырылу барысымен танысып қайтқан болатын.

Ағымдағы жылы Шығыс Қазақстан облысында аталмыш бағдарлама аясында 458 үй салу жоспарланған.