Елімізде мектеп асханалары тексерілетін болады

Маңғыстау облысында балалардың жаппай улануынан кейін мектеп асханаларының барлығы тексерілетін болады. 
– Үкімет басшысының тапсырмасы бойынша бір ай ішінде республикадағы барлық мектептің асханасында санитариялық-эпидемиологиялық талаптардың сақталуына мониторинг жүргізіледі. Ол мектептегі тамақтанудың қауіпсіздігін қамтамасыз ету және мұндай жағдайлардың қайталануына жол бермеу шараларын күшейтуге бағытталған, – делінген Үкімет хабарламасында. 
Естеріңізге сала кетейік, бұған дейін Бесшоқы ауылының №8 мектептің асханасында бірінші ауысыммен оқитын 1-4 сынып оқушылары уланған болатын. Аталған жағдайға қатысты тергеу жұмыстары жүргізіліп жатыр. 
Маңғыстау облысындағы мектеп оқушыларының жаппай улану себептерін тексеру Қазақстан Республикасы үкіметінің бақылауында.