Қазақстанда ресми тіркелген жұмыссыздардың саны 338,7 мыңға жетті

12 тамыз күні Ұлттық статистика бюросы еңбек нарығындағы жағдай туралы хабарлады. 

Статистикалық мәліметтерге сәйкес, ағымдағы жылдың екінші тоқсанында Халықаралық еңбек ұйымының әдістемесі бойынша жұмыссыздық деңгейі 4,7%-ды құрады.  

– Ресми түрде, 2024 жылдың шілде айының соңында Еңбек және халықты әлеуметтік қорғау министрлігінің жұмыспен қамту органдарында          338,7 мың жұмыссыз тіркелген. Тіркелген жұмыссыздардың үлесі жұмыс күшінің 3,5%-ын құрайды. Ал 15 және одан жоғары жастағы халықты жұмыспен қамту деңгейі 64,9%-ды құрады. 15-34 жас аралығындағы жастар арасында жұмыссыздық деңгейі 3,2%-ға жетті, - деді Ұлттық статистика басқармасы.  

Еңбек министрлігінің мәліметінше, жұмыссыздарға төленетін жәрдемақы өткен жылмен салыстырғанда 1,6 есе жоғары. 2024 жылдың бірінші жартыжылдығында 180,2 мың адамға жұмысынан айырылған жағдайда төленетін әлеуметтік жәрдемақы төленген.