ШҚО әкімі Тарбағатай ауданының тұрғындарымен кездесті

Бүгін Шығыс Қазақстан облысының әкімі Нұрымбет Сақтағанов Тарбағатай ауданының орталығы Ақжар ауылында жергілікті аудан тұрғындармен кездесті, деп хабарлайды Bizdiң Өskemen.

Кездесу барысында облыс әкімі алдымен ауданның әлеуметтік-экономикалық дамуы бойынша есеп берді. Сондай-ақ тұрғындар тарапынан қойылған сұрақтарға жауап беріп, өзекті мәселелерді талқылады.

– Ауданымыз қарыштап, жақсы дамып келеді. Дегенмен мәселелер де жоқ емес. Біздің аудандағы 2 мектепке жөндеу жұмыстары жасалған. Бірақ, дарынды балаларды оқытатын К.Билялов атындағы гимназия интернатыны салынғалы ғимаратында жөндеу жұмыстары жүргізілмеген. Облыс әкіміне сол мәселе жөнінде сұрағымды қойып, алдағы уақытта шешімін табады деп ойлаймын, – дейді Ақжар ауылының тұрғыны Мұсағали Есембаев.

Ауыл халқын толғандырған басты тақырыптар – экономикалық жағдай, инфрақұрылымның жай-күйі, білім мен мәдениет салаларының дамуы болды. Сонымен қатар облыс әкімі жеке қабылдау өткізіп, азаматтардың жеке өтініш-тілектерін тыңдады.

Бұл кездесу ашық диалог пен жергілікті халықтың ұсыныс-пікірлерін ескеруге бағытталған маңызды алаңға айналды.