Вьетнам холдингі Qazaq Air-ді қаншаға сатып алатыны айтылды


ЖАҢАЛЫҚТАР / ӘР САЛА 9-07-2024, 18:40 0

Qazaq Air-ді вьетнамдық VietJet компаниясына беру мәмілесі қыркүйек айының соңына дейін аяқталуы тиіс. Келісімшарт отандық әуе тасымалдаушының барлық қарызын, яғни, 38 миллиард теңгені міндетті түрде төлеуді қарастырады. Сондай-ақ, вьетнамдықтар компанияға ел ішінде де, халықаралық бағыттарда да жұмыс істеуі тиіс кемінде 20 әуе кемесін тіркеуі керек. Бұл туралы Ұлыс медиа жазады.

Естеріңізге сала кетейік, ШҚО әкімі Ермек Көшербаев Мамыр айында Вьетнам Республикасының “Sovico Group” холдингі директорлар кеңесінің төрағасы Нгуен Тхан Хунгпен кездескен болатын.

Холдинг Вьетнамдағы авиация, қаржы, банк, құрылыс және энергетика саласындағы ірі компаниялардың бірі.

Кездесу өткен жылдың тамыз айында Мемлекет Басшысы Қасым-Жомарт Тоқаевтың Вьетнамға ресми сапары кезінде екі ел жасасқан келісімшарт шеңберінде өтті. Қос ел үкіметі арасындағы сауда-экономикалық ынтымақтастықты жедел дамыту жөніндегі бірлескен жоба жоспары, сондай-ақ үкімет пен туризм саласына инвестиция тарту жөніндегі комитеттер арасындағы келісім сынды бірқатар маңызды құжаттарға қол қойылған.

Қазіргі уақытта” SOVICO Group “” Самұрық-Қазына “ АҚ-пен Қазақстанда авиациялық инфрақұрылымды дамыту бойынша келіссөздер жүргізуде.

Келіссөздердің негізгі тақырыбы логистика саласындағы ынтымақтастық. Яғни, Шығыс Қазақстанда жүк және жолаушылар тасымалын ұйымдастыру болды. Тараптар басқа да инвестициялық жобаларға қатысуды талқылады. Өңір басшысы Шығыс Қазақстан ынтымақтастыққа ашық екенін, бұл өз кезегінде екіжақты қарым-қатынастарды дамытуға және нығайтуға күшті серпін беретінін атап өтті.

Атап айтқанда, Шығыс Қазақстан облысында вьетнамдық әріптестердің авиация саласындағы тәжірибесін қарастыру көзделген. SOVICO-ның жетістіктерінің бірі-Вьетнамдағы авиация саласын трансформациялауда және халықаралық желіні кеңейтуде маңызды рөл атқарған “Vietjet Air” бірінші жеке авиакомпаниясының құрылуы.

Ағымдағы жылдың маусым айында Вьетнам президенті Ван Тхуонгтың Қазақстанға мемлекеттік сапары жоспарланған.

daryn

Пікірлер

Кликните на изображение чтобы обновить код, если он неразборчив