Құрмат Рахимов – 101-де. ШҚО әкімі ардагерге құрмет көрсетті

Өскемен қаласында Ұлы Отан соғысының ардагері, полиция полковнигі Құрмат Рахимовтың 101 жасы атап өтілді. 

Мерейтойға орай облыс әкімі Нұрымбет Сақтағанов майдангерді жеке құттықтап, арнайы жүгіру жолағын сыйға тартты.

– Құрмат Рахимович – халқымыздың шынайы тарихы. Ол тек соғыстан өтіп, Белоруссия мен Литваның азат етілуіне атсалысып, Кёнигсбергқа шабуыл жасауға қатысып қана қойған жоқ, сонымен қатар ондаған жыл бойы облыстық ішкі істер органдарын басқарып, туған елдің гүлденуі үшін еңбек сіңірді. Тіпті бүгін де, 101 жасқа келсе де, ол әлі қатарда, қоғамдық өмірге белсене атсалысып, дене бітімі мен рухының сергектігін сақтап келеді. Мұндай адамдар – біздің мақтанышымыз және ұлттық құндылықтарымыз, – деді аймақ басшысы.

Жасы ұлғайса да, Құрмат Рахимов кейінгі ұрпаққа өнеге көрсетуде: ол жүйелі түрде мерекелік іс-шараларға қатысып, жастармен тәжірибесімен бөліседі, биыл Астанада өткен Жеңіс шеруіне де барды. Майдангердің жақындарының айтуынша, Құрмат Рахимович күн сайын дене шынықтырумен айналысып тұрады. Сыйға берілген жүгіру жолағы да оның белсенді өміріне пайдасын тигізетіні сөзсіз.

Айта кететін жайт, жуық арада Өскеменде майдангерге арналған қабырға суреті пайда болды.