Өскемендіктер құрбанды қай жерде шалады?

Биылғы құрбан айт мейрамы 6 маусымда тойланады. Өскемен қаласының тұрғындары жылдағыдай Атығай асуында белгіленген орында құрбан шалатын болады, деп хабарлайды Bizdiң Өskemen.

 Қазақстандықтар таңғы 7:00 де айт намазына қатысып, содан кейін құрбан шалуды бастайды. Шығыс Қазақстан облыстық Халифа Алтай мешіті құрбан айт мейрамына орай өткізілетін іс-шараларды бастап кеткен.

– 6 маусым күні таңғы 7:00 де айт намазы оқылады. Биыл да құрбан шалу үшін Атығай асуындағы арнайы орын белгіленді. Құрбан айт мейрамына орай қазақ күресі, гір тасын көтеру және мерекелік бағдарламалар ұйымдастырылады, – деп хабарлады Шығыс Қазақстан облыстық Халифа Алтай мешіті өзінің әлеуметтік желідегі парақшасында.

Айта кетейік, мешіт өкілдері бұған дейін «Жақсылықта жарысайық» атты эстафеталық спорттық ойындар ұйымдастырып, жеңімапаздарды марапаттаған.