Катонқарағайда жаңа туристік демалыс орны ашылды

Катонқарағай ауданында «Ауыл Аманаты» бағдарламасы арқылы жаңа туристік демалыс орны ашылды, деп хабарлайды Bizdiң Өskemen.

Ауыл туризмін дамыту – еліміздің экономикалық әлеуетін арттырудағы маңызды бағыттардың бірі. Осы ретте, «AMANAT» партиясының «Ауыл Аманаты» бағдарламасының шапағатын көріп, туған ауылында кәсіп бастаған азаматтардың саны артуда. Солардың бірі – Катонқарағай ауданының тұрғыны Тунгат Игманов. 

 – Ауыл Аманаты – менің арманымның бастауы болды. Осы бағдарлама арқылы 2,5% жеңілдетілген мөлшерлемемен 9,2 миллион теңге көлемінде несие алып, туған өлкемде кәсіп бастауға шешім қабылдадым. Қазір шағын демалыс үйінің негізгі құрылысы аяқталып, алғашқы қонақтарды 25 мамыр күні қабылдауға дайындалып жатырмыз, – дейді кәсіпкер.

Катонқарағайдың көркем табиғатында салынған бұл қонақүйде:

•         Жайлы әрі заманауи бөлмелер,

•         Жылыту жүйесімен жабдықталған монша,

•         Қажетті жиһаздар мен тұрмыстық техника,

•         Ең бастысы – табиғи тыныштық пен саф ауа бар.

   Қонақтарға ұсынылатын қызметтер:

•         Атпен серуендеу – табиғат аясында,

•         Фитобочка – шөп буымен денені тазарту,

•          Массаж – кәсіби терапевттен,

•          Фитотерапия – табиғи шөптер арқылы ем,

•         Банное парение – бу мен емдік шөп қоспасымен монша рәсімі.

Демалыс орны аумағында киіз үй тігіліп, онда:

•         Қымыз ұсынылады,

•         Ұлттық тағамдар әзірленеді,

•        Қонақтар қазақтың дәстүрімен танысып, ұлттық нақыштағы қызметке куә бола алады.

          – Катонқарағайдың сұлу табиғатын елге кеңінен танытқым келеді. Қонақтар демалып қана қоймай, қазақтың дәстүрі мен тағамдарынан ләззат алып, ауыл туризмінің әлеуетін сезінуі тиіс. Бұл – менің бала кезгі арманым еді. Қазір оны жүзеге асырып жатырмын. Ауылда отырып-ақ кәсіп ашуға, туған жердің дамуына үлес қосуға болады», – дейді кәсіпкер Тунғат Игманов.