ШҚО-да 3 мыңнан астам сайт бұғатталды

Шығыс Қазақстан полициясы өткен жылы 1 700-ден астам заңсыз интернет-ресурсын бұғаттаған. Биыл бұл көрсеткіш еселеп артты, деп хабарлайды Bizdiң Өskemen.

Өңірде кәмелетке толмағандардың құқығын қорғау мақсатында интернет-кеңістікке белсенді мониторинг жүргізілуде. Былтыр тыйым салынған ақпарат таратқан 1 770 сайт анықталып, бұғатталды. Бұл тізімге суицидті насихаттайтын, порнографиялық материалдары бар, есірткі заттарын ұсынатын сайттар және заңсыз онлайн-казино ресурстары кірді. 

Биыл бұл бағыттағы жұмыс күшейді. Жыл басынан бері, үш ай көлемінде, 3 мыңнан астам сілтеме бұғатталды.