Зейнеткерлер рейтингі: ШҚО-ның қай ауданы алда тұр?

Азаматтарға арналған үкіметтің Шығыс Қазақстандағы филиалы зейнеткерлер саны бойынша рейтинг жасады, деп хабарлайды Bizdiң Өskemen.

Статистика ақпанның басында жаңартылған деректерге негізделген. Үздік үштікке Алтай ауданы, Риддер қаласы және Глубокое ауданы кірді.

Алтай ауданында 14 753, Риддерде 11 245, Глубокое ауданында 11 159 зейнеткер тұрады.

Зейнеткерлердің ең аз бөлігі Марқакөл ауданында – 1385 адам, Катонқарағай ауданында – 1967, Үлкен Нарын ауданында – 2225 адам.

«Қазір Шығыс Қазақстан облысында 140 106 зейнетке бар. Өскеменде 68 189 зейнеткер тұрады.  Қалған 71 917 зейнеткер – аудан тұрғындары, – деді филиал директорының әлеуметтік қамсыздандыру жөніндегі орынбасары Айжан Агибаева.

Ресми деректер бойынша елімізде 2 млн 400 мыңнан астам зейнеткер бар. 2025 жылы жалпы негізде ерлер 63 жаста, әйелдер 61 жаста зейнетке шығады.