Өскеменде тағы да ауа ластанады

Фото: kgo66.ru

Өскеменде тағы да ауа ластанады. Бүгін кешке екінші дәрежелі қолайсыз метеожағдай жарияланды, деп хабарлайды Bizdiң Өskemen тілшісі.

-         17 желтоқсан 18:00-ден 20 желтоқсан 20:00-ге дейін Өскеменде екінші дәрежелі қолайсыз метеорологиялық жағдай болады, - деп жазылған хабарламада.

Айта кетейік, қолайсыз метеорологиялық жағдайлар – атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.