“Жайлы мектеп”: Өскеменде үш мектептің құрлысы жүріп жатыр

ЖАҢАЛЫҚТАР 6-12-2024, 11:32 0

Облыс орталығында «Жайлы мектеп» Ұлттық пилоттық жобасы аясында 1500 оқушыға арналған үш мектептің құрылысы белсенді жүргізілуде, деп хабарлайды Bizdiң Өskemen тілшісі.
Қала әкімдігінің хабарлауынша құрылыс жұмыстары кестеге сәйкес жүргізіліп жатыр.

- Уәлиев көшесінде (19 ықшамаудан) 600 орындық, Тимофеев көшесінде (Бабкина мельница ауданы) 300 және Есенберлин көшесінде (19 ықшамаудан) 600 орындық мектеп есігін айқара ашатын болады. Жоба заманауи, қолайлы және сапалы білім беруге арналған инфрақұрылым құруға бағытталған, - дейді қала әкімдігі.

Айта кету керек, облыста "Жайлы мектеп" ұлттық жобасы аясында 3 мың орындық 7 мектептің құрылысы жүріп жатыр. Оның ішінде барлығы 1800 орындық төрт мектеп ағымдағы жылдың 25 желтоқсанына дейін пайдалануға берілуге тиіс.