ШҚО-да ертең қар аралас жаңбыр жауады

«Қазгидромет» өкілдері 24 қазанға арналған ауа-райы болжамын ұсынды. 

«Қазгидромет» РМК мәліметінше, 24 қазанда республиканың оңтүстік-шығысында қатты жаңбыр, таулы аудандарда қатты жауын-шашын (жаңбыр, қар) күтіледі. Республика бойынша желдің күшеюі, тұман және көктайғақ құбылыстары күтілуде. 

— Жүргізушілер жолға шығар алдында жүксалғышта сүйреткіш арқан, ескерту үшбұрышы, жанармай қоры, күрек, қол шам, алғашқы медициналық көмек көрсету қобдишасы, жылы киім және тамақтың бар-жоғын  тексеріңіздер. Егер көлігіңіз жабдықталмаған болса, алыс сапарға шықпағаныңыз жөн. Төтенше жағдай кезінде бірден «112» нөміріне хабар беріп, құтқарушыларды шақыру үшін ұялы телефон мен қуаттандырғышты әрдайым өзіңізбен бірге ала жүріңіз, - дейді ШҚО Төтенше жағдайлар департаментіндегілер.