Бас прокурор: елімізде жол-көлік оқиғаларының саны 90%-ға өсті

Бас прокурор Берік Асылов 2 қазан күні өзінің әлеуметтік желідегі парақшасында Қазақстанда жол апатының көбейгенін хабарлады. Осыған байланысты прокурорларға бірқатар тапсырма берілді.

– Өткен жылмен салыстырғанда жолдағы апат саны 90%-ға өсті. Жол-көлік оқиғалары құрбандарының саны да артқан. БҚО, ШҚО, Атырау, Маңғыстау, Абай, Ұлытау облыстары мен Шымкент қаласында теріс үрдіс орын алып жатыр. Осыған байланысты, прокурорларға мемлекеттік органдармен бірлесіп, ең алдымен жолдардың неғұрлым апаттық-қауіпті учаскелеріне назар аудару арқылы ЖКО-ның себептерін анықтап, нақты шаралар әзірлеуді тапсырдым, - деп жазды «Х» әлеуметтік желісіндегі парақшасында.