Понтон көпірі неге әлі жабық? ШҚО әкімі сынға алды

Өскемендегі Понтон көпірін қыс ішінде жапқан басшылар жауапкершілікке тартылады, деп хабарлайды Bizdiң Өskemen.

Халық «Понтон көпірі» атап кеткен Ертістегі өткелдің бір бөлігі өткен жылдың қараша айында жылу магистралі жөнделеді деген желеумен жабылған болатын. Алайда қыс кезінде жылу желісі жөнделмеді. Мамандар ауа райының қолайсыздығын алға тартқан. Облыс әкімі Нұрымбет Сақтағанов жұмысты дұрыс жоспарламай, көпірді қолайсыз уақытта жапқан лауазымды тұлғаларды тәртіптік жауапкершілікке тартуды тапсырды.

– Өткен жылдың қарашасынан бері көпірдің жартысы жабық тұр. Ол жерде 4-5 адам ғана жұмыс істегендей болып жүр. Бірнеше техника тұр, бірақ олардың өзі бос тұр. Егер көпірді сәуірде жапқанда, екі ай ішінде жөндеп бітер едік. Тұрғындар айлап кептелісте тұрмас еді,  – деген өңір басшысы қаланың қазіргі әкіміне жөндеу жұмыстарын жеделдетуді тапсырды.