Өскемендік оқушылар 7:30-дан бастап оқи ма?
Оқушылар IV тоқсанда 7:30-дан бастап оқи ма? Өскемен қаласының білім бөлімі жауап берді.
20 наурыздан бастап облыс орталығындағы мемлекеттік мекемелер, бюджеттік ұйымдар жаңа кестеге ауысып, жұмысты бір сағат бұрын – 8:00-де бастайтын болды. Осыдан кейін ата-аналар чатында сабақ 7:30-да басталады деген ақпарат тараған. Кейін әкімдіктегілер шешім әлі қабылданбағанын айтып, бұл мәселе демалыс кезінде ата-аналармен бірге талқыланады деп түсіндірді.
Кейбір чаттарда ата-аналар дауыс беруді бастап кеткен болатын. Көпшілігі сабақтың 7:30-да басталуына қарсы болды.
Ал бүгін қаланың білім бөлімі:
– Мектептер, әдеттегідей, 8:00-ден бастап жұмыс істей береді, – деп әлімдеді.
