ШҚО-да құтқарушылар мұз айдындарды тәулік бойы бақылап отыр
Шығыс Қазақстан облысында құтқарушылар түнгі рейдті күшейтіп, мұз айдындарды тәулік бойы бақылауда ұстап отыр.
Қазір өңірде күн жылынып, өзен-көлдерде сең жүре бастады. Сондықтан құтқарушылар тұрғындармен, соның ішінде балықшылармен кездесіп, қауіпсіздік шараларын түсіндіруде.
Төтенше қызмет өкілдерінің айтуынша, жыл сайын мұндай кезеңде ондаған адам оқыс жағдайда қаза табады. Бірі жол қысқарту үшін мұзбен жүрсе, бірі балық аулау үшін де қатерге бас тігеді.
«Қазір мұзға шығу өте қауіпті. Сондықтан қауіпсіздік шараларын қатаң сақтау керек», - деп ескертті құтқарушылар.
