«ONAY!» картасының екі түрі бар: ақшаны қалай саламыз?

        Облыс орталығындағы қоғамдық көліктерге бірыңғай «ONAY!» жүйесі енгізілді. Яғни енді жол ақысын жаңа картамен төлейміз. Бұл картаның екі түрі бар: физикалық және виртуалды.

Физикалық картаны, әдеттегі пластикалық карта, «ONAY!» мобильді қосымшасы арқылы (негізгі бетте «Толтыру» батырмасын басып), банктің мобильді қосымшалары арқылы (Kaspi.kz, Halyk Bank) немесе терминалдар арқылы толтыруға болады.

Ал виртуалды картаны тек мобильді қосымшаның көмегімен ғана толтыра аласыз. «Толтыру» батырмасын басып, ақша сомасын жазып, банк картасының деректерін енгізу арқылы төлем жасауға болады (ең аз сома – 200 теңге).

Естеріңізге сала кетейік, «ONAY!» картасын 800 теңгеге мына мекенжайлардан алуға болады: Шәкәрім даңғылы, 171 («ONAY!» халыққа қызмет көрсету орталығы), Жібек жолы к-сі, 3 (Жастар орталығы), Қазақстан к-сі, 154 (Жолаушылар тасымалын басқару орталығы).

Айдана Дарханқызы