ШҚО-да өнеркәсіп орталықтары мен туристік орындарға апаратын барлық жолдар жөнделеді
2025 жылдың соңына дейін Шығыс Қазақстан облысында өнеркәсіп орталықтары мен туристік нысандарға апаратын 400 шақырымға жуық жол қалпына келтіріледі. Бұл туралы Шығыс Қазақстан облысының тұрғындарымен кездесуінде көлік министрі Марат Қарабаев мәлімдеді.
– Мемлекет басшысы республика бойынша кемінде 10 мың шақырым жолды қамту үшін орташа жөндеу бағдарламасын кеңейтуді тапсырды. Барлық өңірлерде орташа жөндеу жұмыстары жүргізілетін жолдар анықталды. Мысалы, Шығыс Қазақстан облысында бұл Алтай, Шемонаиха, Серебрянск өнеркәсіп орталықтарына апаратын жолдар. Сондай-ақ Катонқарағайға, Марқакөлге және Рахман қайнарына апаратын жолдар, - деді көлік министрі Марат Қарабаев.
