«1WIN» онлайн-казиноға қатысы бар төрт адамға халықаралық іздеу жарияланды

Қаржы мониторингі агенттігі 23 тамыз күні онлайн-казино ұйымдастырып, адамды заңсыз бас бостандығынан айырды деп күдікке іліккен 2 Қазақстан азаматы, 1 Ресей мен 1 Украина азаматына халықаралық іздеу жариялады.

Олар:

- Ресей Федерациясының азаматы Черных Сергей Владимирович, 1993 жылы туған;

- Украина азаматы Юдина Марина, 1999 жылы туған;

- Қазақстан Республикасының азаматы Нестеренко Павел Игоревич, 1998 жылы туған;

- Қазақстан Республикасының азаматы Мұсалиева Тұрсын Бегдатқызы, 1996 жылы туған.

– Аталған тұлғаларға қатысты Алматы облысы мен Алматы қаласы аумағында "1WIN" онлайн-казино түрінде заңсыз құмар ойындар мен букмекерлік қызметті ұйымдастыру және басқару, азаматтарға зорлық-зомбылық көрсету, заңсыз бас бостандығынан айыру күдігімен іздеу жарияланды. Қылмыстық әрекеттерден түскен қаражат 3,8 миллиард теңгеге тең, – делінген қаржы мониторингі агенттігінің баспасөз қызметі хабарламасында.  

Іздеудегі адамдарды көрген не олар туралы ақпарат білетіндер осы нөмірлерге хабарласа аласыздар:

+7-701-577-56-83 – іздеу жұмыстары бойынша,

+7-701-121-47-65 – іздеу жұмыстары бойынша,

+7-727-279-20-86 – кезекші бөлім,

1458 – call-орталығы.

Қаржы мониторинг агенттігі анонимділік сақталатынына кепілдік берді және сыйақы берілетінін хабарлады.