Полиция: Үйілген қоқыс көрсеңіз 102-ге қоңырау шалыңыз

Таза Қазақстан: ШҚО полицейлері 100-ге жуық өздігінен пайда болған  қоқыс үйінділерін анықтады

15 сәуірден бастап Мемлекет басшысы Қасым-Жомарт Кемелұлы Тоқаевтың тапсырмасы бойынша бүкіл елімізде «Таза Қазақстан» акциясы өтуде. Еліміздің әрбір тұрғыны болашақ ұрпақ үшін қоршаған ортаны аялап, табиғатты сақтауы керек.
Бұл жерде қылмысқа «мүлдем төзбеушілік» қағидасы да маңызды.

Осылайша, рейдтік іс-шаралар барысында тәртіп сақшылары 100-ден астам құрылыс және тұрмыстық қоқыс үйінділері анықталып, жойылды.

Сонымен қатар, қалалар мен елді мекендердің аумақтарын абаттандыру ережелерін бұзғаны үшін 4700-ге жуық тәртіп бұзушы, оның ішінде қоғамдық орындарды ластағаны үшін 1400-ге жуық адам әкімшілік жауапкершілікке тартылды.
Рейдтік іс-шаралар барысында тәртіп сақшылары құзыретті мемлекеттік органдармен бірлесіп, белгіленбеген жерлерде абаттандыру және қоқыс шығару ережелерін бұзуға жол бермеу туралы халыққа түсіндіру жұмыстарын жүргізеді.

Полиция департаменті қоқыстарды рұқсатсыз тастау немесе заңсыз сақтау жағдайларын көрген жағдайда «102» арнасына хабарласуын сұрайды. Тек бірге біз айналамызды таза етіп, қоғамдық санаға әсер ету арқылы табиғатты сақтауға әркімнің өз үлесін қоса алатынын көрсете аламыз.