Өскеменде жас ғалымдардың халықаралық форумы өтті

Д.Серікбаев атындағы Шығыс Қазақстан техникалық университетінде  профессор Жеңіс Күлсейітовтің 80 жылдық мерейтойына орай «Жас ғалымдардың шығармашылығы – Қазақстанның инновациялық дамуына» атты ХІ Халықаралық ғылыми-техникалық конференция өтті.

Конференцияның негізгі мақсаты – жас зерттеушілерге жан-жақты қолдау көрсету, олардың ғылыми және шығармашылық әлеуетін дамыту, инновациялық белсенділікті ынталандыру, тәжірибе мен білім алмасу, кәсіби байланыстар орнату.

Іс-шара бағдарламасы инженерия, сәулет және құрылыс салаларындағы өзекті тақырыптарды қамтыды.

Конференцияға Қазақстаннан және алыс-жақын шет елдерден 300-ден астам жас ғалым қатысты. Қатысушылардың баяндамалары өзектілігімен және жоғары ғылыми деңгейімен ерекшеленді.

Форум қорытындысы бойынша ғылыми мақалалар жинағы электронды форматта жарық көріп, кең ғылыми аудиторияға қолжетімді болды.