7 мотоцикл айып тұрағына қойылды - Өскемен

Өскеменде ұйымдастырылған «Мопед» жедел іс-шарасы бойынша 7 мотоцикл айыппұл тұрағына қойылды, деп хабарлайды Bizdiң Өskemen.

— Жедел алдын алу шаралары барысында мотоциклді басқаруға байланысты 20-дан астам бұзушылық тіркелді. Оның ішінде, мас күйде мотоциклді басқарудың бір жағдайы бар. 7 мотоцикл айыппұл тұрағына қойылды,-деді Өскемен қаласының полиция басқармасы. 

Айта кетейік, іс-шара мотоцикл жүргізушілерінің қатысуымен болатын жол-көлік оқиғаларының алдын алуға, сондай-ақ жол жүрісіне қатысушылардың осы санаты тарапынан жол жүрісі қағидаларын бұзушылықтарды анықтауға және жолын кесуге бағытталды.