ШҚО-да орман арасында мейрамхана жұмыс істеп тұр

Глубокое ауданындағы «The Forest» мейрамханасында спа салон мен үшінші 40 адамдық қонақ үй ашылады, деп хабарлайды Bizdiң Өskemen.

 Орман ішінде орналасқан бұл мейрамхана табиғат аясында тынығуды ұнататындар үшін тамаша орынға айналады.

 «Біздің мейрамхана орманның ортасында орналасқан, сондықтан қонақтар бізге табиғат аясында тынығуға келеді. Алғашында тек ресторан болған еді, кейін банкеттік шатыр мен екі қонақ үй ашылды. Биыл спа-салон мен үшінші қонақ үй қосылады. Құрылыс жұмыстары жыл соңына дейін аяқталуы тиіс»,-деді мейрамхана комплексінің басқарушысы Санжар Дәлелхан

Бұл жаңашалдықтар туризм саласында жаңа мүмкіндіктер ашып, өңірдің тартымдылығын арттыра түседі.

Қосымша ақпаратты мейрамхананың Instagram парақшасынан алуға болады.