Суда қауіпті бактерия болған: Сол жағалаудағы жағажай жабық тұр

Өскеменде Сол жағалаудағы саябақтағы "Көгілдір көлдер" жағажайы жабық тұр. Демалыс аймағының әкімшілігінің хабарлауынша суда қауіпті бактериялардың болуына байланысты жағажай уақытша жабылған, деп хабарлайды Bizdiң Өskemen.

Су сынамаларының нәтижесі ШҚО бойынша ҚР Денсаулық сақтау министрлігі Санитарлық-эпидемиологиялық бақылау комитетінің "Ұлттық сараптама орталығы" белгілеген гигиеналық нормативтерге сәйкес келмеген.э

– Анаэробты бактериялардың шоғырлануының артуына байланысты ШҚО мұражай-қорығының сол жақ жағалау кешеніндегі "көгілдір көлдерде" жағажай уақытша жұмыс істемейді, – делінген Сол жағалау кешенінің ресми баспасөз хабарламасында.

Алайда санитарлық-эпидемиологиялық бақылау департаменті бұл жағдайға қатысты мүлдем басқаша түсініктеме берген. 

– "Көгілдір көлдер" жағажайынан алынған су сынамаларын зертханалық зерттеу судың сапасы гигиеналық нормативтердің талаптарына сәйкес келетіндігін көрсетті, – деп хабарлады ШҚО Санитарлық-эпидемиологиялық бақылау департаменті.

Ведомствода мамырдан маусымға дейін Сәтбаев даңғылы бойындағы Сол жағалау кешенінде орналасқан жағажай аумағында 20 су сынамасы алынғанын айтады. Олардың барлығы да микробиологиялық, вирусологиялық, паразитологиялық және санитарлық-химиялық көрсеткіштерге сәйкес келген.