Өскемендегі Ана мен бала орталығы заманауи перзентханаға айналады

Бұрынғы балалар стационарының орнында аналар мен жаңа туған нәрестелер үшін бірыңғай медициналық кешен болады, деп хабарлайды Bizdiң Өskemen.

Өскемендегі ана мен бала орталығын ауқымды қайта құру қарқынды жүріп жатыр. Жұмыстар облыс әкімі Нұрымбет Сақтағановтың тікелей тапсырмасы бойынша жүргізілуде.

Облыс әкімінің орынбасары Жақсылық Омар жөндеу жұмыстарының барысымен танысты.

«–Аналар мен сәбилер үшін жайлы, заманауи және жылы орта жасаймыз», –деді ол.

Ғимаратта палаталар, желдету жүйелері, инженерлік желілер жаңартылады. Сонымен қатар, заманауи медициналық жабдықтар сатып алынады.

Бұрын гинекология, жаңа туған нәрестелер патологиясы, реанимация, операциялық бөлмелер мен зертханалар әртүрлі ғимараттарда болды. 

Жұмыстар аяқталған кезде барлық негізгі қызметтер бір ғимаратқа көшеді.

Қайта құру аяқталғаннан кейін, бүкіл перзентхана осы ғимаратқа толығымен ауыстырылады.